Partidas para adecentar o castelo de Monterrei
Turismo de Galicia e o concello acordan impulsar a limpeza dos arredores e a información turística deste ben.
A responsable da Axencia de Turismo de Galicia, Nava Castro e o alcalde de Monterrei, José Luís Suárez, aproveitaron a V Feira do Viño de Monterrei para asinar dous acordos cos que adecentar e poñer en valor a fortaleza deste concello.
Por unha banda, a contratación dunha brigada ambiental que realice o mantemento periódico e elimine así a maleza dos arredores da fortaleza e, pola aoutra, a apertura dunha oficina permanente de turismo no interior do complexo histórico, que non só preste asesoramento aos turistas sobre o monumento, senón que tamén proporcionen información do resto de puntos de interese da comarca de Monterrei.
Outra das actuacións que están interrompidas son as dos accesos ao recinto á fortaleza. O achado dunha calzada de alto valor cultural paralizou as mesmas e deixou sen efecto as execucións previstas pola Axencia de Turismo de Galicia, para as que dotara unha partida orzamentaria próxima aos 400.000 euros. Máis en La Región.