Como son as intervencións nos xacementos romanos?
O Consello da Cultura Galega (CCG) organiza unha xornada sobre as intervencións nos xacementos romanos. “Encontros monográficos co Patrimonio Cultural. Arqueoloxía na cidade. Dúas intervencións nos xacementos romanos de Lugo e Vigo”, é o título deste foro que terá lugar o 27 de xuño en Santiago.
“Estes tempos, en que as intervencións arqueolóxicas nos conxuntos urbanos son cada vez menos e menos urxentes ao socairo da crise económica, son un bo momento para reflexionar sobre estas intervencións que teñen a súa orixe nunha obra que se pretende desenvolver nun xacemento arqueolóxico urbano e que teñen a finalidade de documentalo e/ou conservalo e protexelo”, apuntan desde o CCG.
“A exposición de dous casos coincidentes no tempo e problemática, con resultados diferentes, danos pé a esa reflexión arredor da calidade das intervencións, da efectividade e eficacia da xestión patrimonial neste ámbito, da relación co coñecemento científico e outros”, engade.
Este é o programa:
16:45 horas
Presentación
17:00 horas
Unha pequena historia da xestión da arqueoloxía urbana en Galicia
Xulio Carballo Arceo, arqueólogo, Delegación de Pontevedra, Consellería de Cultura, Educación e Ordenación Universitaria
17:30 horas
Factoría de salga na rúa Marques de Valladares no xacemento romano Pontevedra-Areal (Vigo)
Xulio Carballo Arceo, arqueólogo, Delegación de Pontevedra, Consellería de Cultura, Educación e Ordenación Universitaria
Adolfo Fernández Fernández, arqueólogo, Universidade de Vigo
Soledad Prieto Robles, arqueóloga, empresa Anta de Moura, que realizou a intervención
18:30 horas
Templo romano no Círculo das Artes. Ventá arqueolóxica Cidade de Lugo
Gonzalo Meijide Cameselle, arqueólogo, Delegación de Lugo, Consellería de Cultura, Educación e Ordenación Universitaria
Enrique González Fernández, arqueólogo, Concello de Lugo
Roberto Bartolomé Abraira, arqueólogo, director da intervención
19:30 horas
Debate
