fbpx
Membros de Captán Gosende cun novo petróglifo atopado en Forcarei, que suma o 26 atopado / Capitán Gosende

Outro petróglifo atopado en Forcarei

Tempo de lectura: < 1 min.

Integrantes do colectivo Capitán Gosende atoparon o pasado 25 de xuño un novo petróglifo na parroquia de Parada ( Cerdedo), co que suman xa 26 estacións descubertas en toda a comarca.

“Cara á tardiña, devotos dos camiños, vereas e devasas que nos conducen ao descoñecido, atinximos unha chaela situada por riba dos 600 m de altitude. O planalto, repoboado hai pouco con piñeiros e pertencente á parroquia forcareicense de Castrelo, presenta afloramentos xistosos en forma de crista, característicos do metaformismo do Cerdedo oriental e da litoloxía forcareicense”, suliña o colectivo nun comunicado.

Nun aliñamento rochoso orientado cara ao sueste, atoparon vinte e cinco coviñas, as máis delas en clara orientación leste-oeste. Dada a súa dirección e a altura do sol no horizonte solsticial, o conxunto resaltaba ostensibelmente do lenzo pétreo, xa que cada unha das pequenas concavidades se ateigaba dunha dose de sombra.

O gravado rupestre (coordenadas: X: 551586; Y: 4712355; altitude: 631 m) localízase a 150m cara ao norte da estrema coa parroquia de Parada (Cerdedo) e a uns 300 m cara ao sudoeste do lugar do Vieiro (Castrelo-Forcarei). Por iso, o novo achado foi bautizado co nome de “petróglifo do Vieiro”.

Pode que che interese...