Que se sabe das incursións militares de Xullo César en Galicia? | Historia de Galicia
Recreación de Xullo César comandando o Exército Romano / acercatealassociales.blogspot.com.es/

Que se sabe das incursións militares de Xullo César en Galicia?

Tempo de lectura: 2 min.

Estamos no 60 antes de Cristo. As costas galegas coñecen xa as incursións dun dos máis importantes militares romanos, Xullo César. Os días 24 e 25 de agosto dese ano, o militar, dirixiuse con dúas galeras e barcos pesqueiros requisados en Erizana –Baiona-– dirixiuse ás illas Sicas –como se coñecían entón ás Cíes– e derrotou aos herminios que alí se refuxiaban.

“O exército de Xullo César matounos a todos, uns 5.000, e puxo rumbo a Brigantium, na Coruña”, sinala o escritor Julio Villarino que defende nun novo libro, “Julio César en Galicia. De Bellum Herminii”. O autor di que realizou a súa propia e hipotética recreación dos feitos históricos en base aos textos contrastados e á colaboración de expertos en estratexia militar romana como o historiador lucense Juan Villar, os investigadores Manuel Gago e Javier Torres e o tamén historiador e militar Francisco da Torre.

Julio Villarino na presentación dun libro / baionatv.webs.com

Julio Villarino na presentación dun libro / baionatv.webs.com

Sen embargo, o profesor e divulgador Manuel Gago xa dixo nas súas redes sociais que, polo menos, el non é ese Gago que cita Villarino. E é que, ata o de agora, pouco se sabe desa incursión de Julio César na antiga Gallaecia, agás que puido ter sometido algunhas vilas costeiras e establecido relacións comerciais. Por iso, esta teoría non foi ben acollida entre os profesionais e amantes da historia galega.

Segundo Villarino, César tería fracasado nunha primeira incursión bélica contra os herminios. “ César montara esta batalla con présa. Era setembro e estaba a piques de terminar a tempada de guerras para os romanos, o verán, polo que colleu o primeiro que se lle puxo diante”, explica Villarino en Faro de Vigo. Así, suliña que a derrota devolveu ao militar a Cádiz, pero deixou un campamento establecido en Baiona con intención de regresar ao ano seguinte. “Instalou un retén de soldados en Erizana e volveu no ano 60 antes de Cristo con dúas galeras para asediar as Cíes de novo”, suliña.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar. Non esquezas deixar o teu email se queres que o autor/a che dea unha resposta

Pode que che interese...

Informe de erros

O seguinte texto será enviado aos nosos editores: