Pode un castro salvarse no medio dunha autovía? | Historia de Galicia
Imaxe aérea do Castro de Montealegre, que se verá, novamente, seriamente afectado polo desdobramento do Corredor do Morrazo

Pode un castro salvarse no medio dunha autovía?

Tempo de lectura: 2 min.

A xunta insiste en defender as obras do desdobramento da Autovía do Morrazo, que desfarán boa parte do Castro de Montealegre, en Moaña. Un castro que, sen embargo, para a Xunta foi escavado, estudado e protexido grazas, precisamente, ás obras desa infraestrutura.

O director da Axencia Galega de Infraestruturas (AGI) , Francisco Menéndez, volveu suliñar no Parlamento galego que a Xunta “só contempla unha alternativa na execución da Autovía do Morrazo”, que é “garantir a máxima seguridade viaria, pór en valor o castro e protexer a paisaxe mediante unha minimización do impacto ambiental”.

Situación do castro de Montealegre, afectado pola autovía do Morrazo

En resposta a unha pregunta do BNG, Menéndez destacou que, grazas ás obras de desdobre do Corredor do Morrazo, está a realizarse unha escavación do Castro de Montealegre que permite “un importantísimo labor de investigación en campo e en laboratorio” que, na súa opinión, “permitirá profundar no coñecemento das características propias deste asentamento”.

Sen embargo, insiste en defender o trazado actual dese vial que destrozará boa parte do sitio arqueolóxico. Sen embargo, para a Xunta, o impacto das obras no ámbito do castro é “mínima”, xa que a súa existencia foi considerada para proxectar o desdobramento e, de acordo con Patrimonio, “adoptáronse medidas preventivas para reducir ou impacto”.

“Melloras” no castro?

Ménendez suliñou que, tras a escavación, mellorarase, acondicionaráse e recuperaráse a paisaxe tradicional no resto de terreos do castro e prometeu actuacións para polo en valor. “Non desdobrar o primeiro treito contravén os principios de seguridade viaira”, alegou.

Pola súa banda, a deputada do BNG, Montse Prado, puxo onte en dúbida esa “afección mínima” sobre o xacemento da que fala a Xunta. Prometeu seguir á beira do executivo local “vixiando a preservación deste castro” e criticou que Patrimonio sexa tan esixente cos particulares “e tan relaxado cando trátase dás obras que promove a Xunta”.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

Informe de erros

O seguinte texto será enviado aos nosos editores: