Catedral metropolitana de México / simboloabirto.wordpress.com

Descubrindo o patrimonio cultural iberoamericano das ordes relixiosas

O grupo de investigación Iacobus presenta este xoves dúas novas publicacións de 1.468 páxinas e centos de imaxes e ilustracións a cor baixo o título Universos en orden. Las órdenes religiosas y el patrimonio cultural iberoamericano.

Coeditada pola USC e Alvarellos Editora, presentarán a obra o vicerreitor de Oferta Docente e Innovación Educativa, Roberto López; o director da obra, o catedrático José Manuel García Iglesias; a coordinadora do volume, Carla Fernández Martínez; o decano da Facultade de Xeografía e Historia, Francisco Durán Villa; e o director de Alvarellos Editora, Henrique Alvarellos Casas. A presentación celebrarase a partir das 12.00 horas na Sala de Profesores da Facultade de Xeografía e Historia.

Os dous volumes reúnen as máis recentes achegas de 54 historiadores da arte arredor dun amplo campo de investigación e traballo que se estende, desde Galicia, por toda Iberiamérica. Son numerosos os relacionados con monumentos galegos así como do exterior, a través de estudos sobre a arquitectura franciscana en México, os programas iconográficos dos xesuítas en Lima ou a presenza dos Jerónimos en Europa e América, entre outras cuestións.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

Informe de erros

O seguinte texto será enviado aos nosos editores: