Arqueólogos do Grupo de Estudos de Arqueoloxía, Antigüidade e Territorio da Universidade de Vigo traballa no castelo de Mouresiños, en Allariz / Duvi

Creada a Sección de Arqueoloxía do CDLG para loitar contra a precariedade na profesión

O Colexio Oficial de Doutores e Licenciados en Filosofía, Letras e Ciencias de Galicia (CDLG) acaba de crear a súa Sección de Arqueoloxía para, entre outras finalidades, loitar contra a gran precariedade laboral que sofre esta profesión, e “favorecer a protección do patrimonio, a través da defensa e mellora da profesión arqueolóxica”.

“A forte precariedade que sofre a profesión favorece a indefensión do patrimonio ao non alcanzar os obxectivos de mínima calidade nas intervencións”, apunta esta entidade nun comunicado. Para tal motivo, as liñas de traballo que se propoñen son a colaboración coas diferentes administracións públicas implicadas na xestión do patrimonio, Xunta, Concellos, Deputacións provinciais ou a mellora no deseño dos instrumentos de planeamento, coma os PXOMS.

O obxectivo é “permitir unha áxil xestión dos proxectos de patrimonio cultural, garantindo unha protección efectiva e priorizando a investigación arqueolóxica como obxectivo de carácter social”. A nova sección estipula como liña de traballo a contribución da disciplina arqueolóxica na definición de paisaxes culturais e a ordenación do territorio, promovendo a coordinación con outras áreas profesionais implicadas.

Segundo o CDLG, estas medidas, entre outras, pretenden mellorar a situación do patrimonio arqueolóxico galego. “Temos a sorte de posuír unha alta densidade de xacementos e bens culturais apreciados por toda a sociedade e que constitúen, ademais, toda unha oportunidade para o noso desenvolvemento económico e cultural”, conclúe.

Se atopou algún erro nesta noticia, por favor avísenos seleccionando o texto ou palabra en cuestión e premendo as teclas Ctrl+Entrar.

  • Javier Montero

    Os arqueólogos fan ben en loitar pola súa profesión. Agora ben, deben comezar por denunciar as mafias que existen dentro da arqueoloxía galega (cun papel moi destacado por parte dalgúns (repito: só dalgúns) técnicos da Xunta) en lugar de “xogar” a ser Historidores ou Historiadores da Arte. Algúns pensan que en Galicia todo é Arqueoloxía, incluso á arquitectura da Idade Moderna e Contemporánea, por poñer só dous exemplos. Tamén poden facer unha especialización en Xestión de Patrimonio (en calquera universidade española), pero os arqueólogos que non teñen esta especialidade tampouco son Técnicos de Patrimonio. Arqueoloxía si, transparencia e boas prácticas por suposto, pero tamén respeto e consideración polas outras áreas e especializacións da Historia, incluso da Xeografía e, por suposto, pola Historia da Arte.

Informe de erros

O seguinte texto será enviado aos nosos editores: