Pintura rupestre atopada nunha cova de Beleira, en Lugo / Seprona

Como foi a descuberta da segunda gran cova de arte rupestre en Galicia

Novo achado en Galicia. E non un calquera, senón un descubrimento que pode supoñer a apertura de novas vías de investigación sobre a arte en Galicia. E todo grazas a persoas amantes da nosa historia e do noso patrimonio que deron cunha cova na que apareceron pinturas rupestres que xa están sendo analizadas por arqueólogos de Patrimonio. En todo caso, o importante, agora, é protexer este ben e evitar visitas masivas que o poidan danar á falta dun estudo en profundidade.

Foi a Garda Civil, concretamente o Seprona, o que este mércores facía público o anuncio, ao suliñar que estaban inspeccionando unha cova situada no termo municipal de Baleira que presenta pinturas rupestres descoñecidas ata agora. Terían sido tres senderistas que atopaban na zona os que informaron o Servizo de Protección da Natureza da Garda Civil, tras localizar marcas con aspecto de pinturas rupestres.

Con todo, e segundo puido saber Historia de Galicia, esta cova foi descuberta por un veciño da Fonsagrada moi afecionado a historia, David Outeiro, xa hai días. Este veciño tería informado do achado ao colectivo Mariña Patrimonio que se desprazou ao lugar. Unha vez comprobada a importancia das pinturas, puxéronse en contacto co servizo de Patrimonio da Xunta con petición de proteción do ben o pasado 24 de xullo.

Desde entón, Patrimonio estivo tentando verificar a importancia deste achado. E, de feito, o propio xefe de Arqueoloxía da Xunta, Roberto Pena, trasladouse a esta cova hai uns días xunto con Fernando Carrera, un reputado especialista na materia profesor da Escola de Restauración. Carrera, segundo as fontes consultadas, tería confiramado a importancia do achado.

Prudencia

Con todo, a Xunta pedíu prudencia para realizar unha investigación máis pormenorizada e tentar protexer este ben xa que teme que, co descubrimento, se poida encher de curiosos e poida resultar danada. “Facemos un chamamento a que, por favor, a xente non vaia alí, e que avise se sabe de xente que vai a ir porque poderiamos estar ante un gran descubrimento que se podería poñer en perigo”, indican fontes consultadas.

E o certo é que o achado podería revolucionar a arte rupestre en Galicia. Ata agora, a única gran manifestación desta arte nunha cova estaba en Cova Eirós. As pinturas atopadas agora, segundo as indagacións realizadas por este portal –pero sempre á espera de facer un estudo en profundidade– poderían ser do Calcolítico. De feito, hai moitas semellanzas nos trazos con outras atopadas nunha cova de Asturias.

 

Escrito por

Xornalista, profesor da USC e coordinador do HdG.

Pode que che interese...

4 Respostas

  1. 10 Agosto 2017

    […] pinturas aparecidas nunha cova, en Baleira, Lugo, poderían abrir novas investigacións na arte rupestre galega. Con todo, e a falta dunha […]

  2. 11 Agosto 2017

    […] semana HdG daba conta da aparición dunha cova en Baleira onde, supostamente, apareceu arte rupestre á espera de que Patrimonio realice unha investigación […]

  3. 22 Agosto 2017

    […] un vecino de Fonsagrada, el que días antes realizó el gran hallazgo, según indican desde Historia de Galicia, el cual habría alertado a Mariña Patrimonio. El pasado 24 de julio, la solicitud de protección […]

  4. 27 Agosto 2017

    […] rexistradas polos membros de Mariña Patrimonio que se desplazaron ao lugar tras ser avisados polo descubridor das manifestacións artísticas, David Outeiro. Non obstante, unha nova visita á cova axudou a descubrir un novo trazo […]

Deixa unha resposta

Informe de erros

O seguinte texto será enviado aos nosos editores: