Dodro celebra a súa II andaina “Pensa Nao”, baseada nunha novela
A vindeira fin de semana terá lugar a II Andaina “Pensa Nao”, un roteiro basado nunha novela de Anxo Angueira, gañadora do premio Xerais.
O envento terá lugar o sábado 7 de outubro, ás 10.00 horas dende o souto da aldea de Manselle, no concello de Dodro. O percorrido terá lugar polo roteiro que leva o nome da novela. É de tipo circular e ten unha lonxitude de 15,5 qm aproximadamente cunha dificultade media.
As inscripcións realizaranse no correo electrónico unidadevecinaldodro15@gmail.com indicando o nome e apelidos e o lugar de procedencia dos participantes. A inscrición terá un custe de 1 euro por participante para afrontar o pago do seguro de cada camiñante. O pago realizarase o propio día da andaina coa recollida do dorsal. Os socios da “Asociación Cultural Unidade Veciñal de Dodro” poderán ir de balde ao ser os organizadores do evento.