Presos republicanos galegos no campo de concentración nazi de Mauthausen

Que foi da memoria dos 179 republicanos galegos que sufriron os campos de exterminio nazis?

Tempo de lectura: 2 min.

Máis de 10.000 republicanos que conseguiron fuxir do terror franquista tras a Guerra Civil acabaron deportados nos campos nazis durante a II Guerra Mundial. Deles, un total de 179 eran orixinarios de Galicia: 78 procedentes da Coruña, 33 de Lugo, 34 de Ourense, e 34 de Pontevedra.

A Asociación para a Recuperación da Memoria Histórica, co “compromiso” de manter viva a memoria de todas as persoas que sufriron o Holocausto, pediu ao Parlamento galego que se faga un acto de conmemoración o próximo 27 de xaneiro no que se lean os nomes “de todos os galegos que foron obrigados a subirse nos trens da morte”.

“Que morreron alí ou que foron liberados, pero nunca puideron regresar ao lugar no que naceran porque a ditadura franquista negoulles o dereito a regresar ao seu país de orixe”, sostén a Asociación. Tamén incidiu en que a deportación dos republicanos españois, “aos que o franquismo lles retirou previamente a nacionalidade, non se entende sen o seu exemplo de loita no territorio español contra os exércitos de Hitler, Franco e Mussolini.

Joaquín Balboa, antifascista e republicano preso en Mauthausen

Historia de Galicia xa relatou no seu día a historia de Joaquín Balboa, un barbeiro antifascista e republicano orixinario de Monterrei e que acabou no campo de Mauthausen, onde estiveron a maioría dos republicanos españois.

Día Internacional en Conmemoración das Vítimas do Holocausto

Esta asociación rexisstrou a petición na Cámara galega o pasado 21 de decembro, dirixida ao xefe do Lexislativo, Miguel Santalices, e aínda non obtivo resposta. Lembrou que o próximo 27 de xaneiro de 2018 celébrase en todo o mundo o Día Internacional en Conmemoración das Vítimas do Holocausto, unha xornada na que, habitualmente, o Parlamento galego lembra a poboación xudea masacrada en masa, pero non aos republicanos que tamén sufriron o mesmo infortunio que milleiros de hebraicos.

De feito, fontes parlamentarias consultadas por Europa Press ratificaron que a Mesa, órgano reitor do Lexislativo galego, tomou coñecemento do escrito e na Xunta de Portavoces deu traslado aos grupos da petición. E tamén ten sobre a mesa a proposta dunha declaración institucional en relación ao Holocausto.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

Informe de erros

O seguinte texto será enviado aos nosos editores: