Canón nunha fortaleza galega / foto MakunninCC0

Ferrol restaura dous canóns do século XVIII

A cureña e o “carro” de madeira que sostén a parte de fundición do canón / ClkerCC0

Un dos máis singulares e máis descoñecidos museos de Galicia é Exponav, o Museo da Construción Naval de Ferrol. O museo e fundación, localizados en pleno corazón do Arsenal histórico de Ferrol conta, non so cunha localización inmellorable, senón cunha colección única sobre a historia da cidade e máis sobre o mundo naval. O museo está aloxado no edificio Blacksmith, un dos edificios principais do Arsenal do século XVIII, e é considerado polos expertos un dos museos navais máis importantes de Europa.

Este museo, inaugurado no ano 2008, e de máis de 4.000 metros cadrados, continúa a sumar diversas pezas dende a súa inauguración. As últimas, segundo publica La Voz de Galicia, son dúas novas cureñas -o elemento que sostén a parte de fundición dos canóns- que servirán para soster dúas pezas do século XVIII, procedentes do pecio fragata Magdalena, xa restauradas. As cureñas foron doadas por Windar Renovables e están feitas de xeito artesanal, imitando procedementos da época, de madeira de teca.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

1 Resposta

  1. 28 Abril 2018

    […] o museo sobre a construción naval de Ferrol, segue a ampliarse. Se tal e como contábamos vai unhas semanas o museo estaba a engadir pezas como dous novos canóns do século XVIII, agora, nos últimos […]

Deixa unha resposta

Informe de erros

O seguinte texto será enviado aos nosos editores: