Ángel Gilberto Papigil, Pai, un dos grandes divulgadores do patrimonio galego

Morreu Ángel Gilberto Papigil, un dos grandes divulgadores do patrimonio galego

Morreu un dos grandes divulgadores do patrimonio de Galicia, Ángel Gilberto Papigil

En Galicia, o día 25 de Setembro de 2018, unha árbore caeu no medio do bosque.

Morreu Ángel Gilberto Papigil, Papi. Foise un gran amigo e insustituíble valedor da cultura galega. A min, tócame lembralo como senlleiro colaborador e compañeiro na Sociedade Antropolóxica Galega SAGA; Membro do Fuso da Moura (Grupo de traballo sobre as Pedrafitas Galegas). Músico, activo divulgador e axente cultural nas redes sociais e outro foros, gran deportista…e moitas mais cousas. Como sintetizar a esencia e traxectoria dunha persoa e non fallar á verdade? Eu non son quen mellor o coñecía, nin moito menos. Tampouco o que menos, mais precisamente por elo a miña perspectiva sobre el, mailo baleiro que deixa atrás,coido que achega a perspectiva de quen, coma min, pode ser relativamente obxectivo na súa subxectividade sobre o Papigil. Considero, pois, que a súa dedicación á cultura galega, o seu impacto a prol dela, rendeu moito mais do que se puidera pensar. Papigil foi un exemplo de constancia nos seus esforzos, orientados a estender ó seu redor unha atmosfera de galeguidade. Percorreu Galicia co propósito de documentar, e compartir toda unha parte do patrimonio cultural da nosa terra. Fundamentalmente, ese traballo fica polo de agora inédito. Apenas coñecido por amigos e persoas mais achegadas. Mais con iso, co seu exemplo e enerxía, foi un faro para moitos de nos. Un referente, pois, no complicado contexto da contemporaneidade galega. Como sintetizar a esencia e traxectoria dunha persoa e non fallar á verdade?

Foi tamén un pai devoto que transmitiu o seu amor por Galicia e a súa cultura. Soamente con iso xa merecería o noso aplauso, como moitas outras persoas que fan do normal algo excepcional, dados os tempos. Despois de todo, canto vale o traballo de loitar contra o esquecemento? Como sintetizar a esencia e traxectoria dunha persoa e non fallar á verdade?

Entre outras moitas cousas que persoas mais autorizadas poderán dicir, eu destaco en Papigil algo extraordinario. O feito de gastar a cultura galega e, en facendo iso, engrandecela, sacarlle brillo e aguza-lo seu gume. Aí fora hai moita xente como Papigil, tan valiosa como el. Mais o noso amigo foi ademais un xogador de equipo, unha persoa sempre disposta a xuntar folgos e da-la cheda a prol dunha Galicia mellor. De non ser así, a súa vida e traxectoria terían o interese do caso singular. Mais o noso compañeiro foi, sobre todo, un bo e xeneroso galego. Un traballador sen vaidade. Un tipo intelixente de fino humor. Un galego practicante. Un home ó axexo de si mesmo, co gallo de aprender continuamente e, ó facelo, axudarnos ós demais a ser mellores. Cada quen ó seu xeito. Como sintetizar a esencia e traxectoria dunha persoa e non fallar á verdade?  

Unha grande árbore caeu no bosque. Se fixo ruído ou non, depende de nos. De si habitamos ou non a mesma fraga, mesta e verde. Mais dende logo que caeu porque estaba en pe, ergueito e elegante sobre o chan de Galicia.

Até sempre, amigo. Para nos, a túa lembranza atrona.  

 

Miguel Losada

Secretario da SAGA, Compañeiro do Fuso da Moura.

Ángel Gilberto Papigil, Papi, un dos grandes divulgadores galegos

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

1 Resposta

  1. 23 Novembro 2018

    […] nas redes sociais ou ao artigo que fixo o compañeiro Miguel Losada na web Historia de Galicia ( http://historiadegalicia.gal/2018/09/morreu-angel-gilberto-papigil-un-dos-grandes-divulgadores-do-pa… sirvan para manter viva a súa lembranza, porque nós non esquecemos aos nosos e moito menos se, […]

Deixa unha resposta

Informe de erros

O seguinte texto será enviado aos nosos editores: