Ilustración dunha lexión romana / Enric Marini

As pegadas dos romanos en Lugo

Tempo de lectura: < 1 min.

O Arde Lvcvs Cvltvral, que nos últimos días, dentro da programación de actividades de inspiración romana e castrexa, puxo en marcha o X Ciclo de Conferencias da Cohors Lucensium, continúa ofrecendo esta semana varios relatorios sobre a temática da historia da Antiga Roma

Tras o relatorio do historiador Felipe Arias e do catedrático de xeografía Rubén Camilo Lois González a pasada semana, este martes o arqueólogo municipal Enrique González, falou sobre a Morte e sociedade no Lugo Romano. Mañá, mércores, dirixirá a charla o arqueólogo Iván Álvarez, sobre A minería aurífera romana nas montañas do Caurel. Xoves, venres e sábado tamén haberá conferencias, da man da Directora do Museo Privincial de Lugo, Aurelia Balseiro, e os arqueólogos Enrique Alkorta e Ceslo Rodríguez; que centrarán as súas conferencias sobre a Terra auri. Ouro e ourivería antiga, Cerámica e numimática romana e o Templo de Mitra.

A programación de conferencias continúa o vindeiro martes e mércores, 11 e 12 de xuño, coa escritora Ana Mar Fraga, a licenciada en dereito Beatriz Pelayo, o escritor Daniel Cuadrado e o arqueólogo Marco Almansa. Pechará esta programación o concerto de Abraham Cupeiro. Todas as conferencias son ás 20:00 horas no Vello  Cárcere. A entrada é libre ata completar a cabida.

Outra programación

Este sábado, 8 de xuño, esta mesma programación do Arde Lvcvs Cvltvral celebrará o último paseo con Paulo Fabio Máximo e o Liberto Jávicus, cun percorrido pola Calzada Romana, a Ponte Romana e o Balneario. O punto de partida é o miliario da Praza Armañá, ás 17:00 horas. Para participar nesta andaina, aínda que a inscrición é de balde, é preciso anotarse no 010.

Nesta mesma xornada, ás 19:00 horas, terá lugar a obra teatral A conxura senatorial, a cargo da asociación de recreación histórica Senatus Lucus Augusti, no Balneario de Lugo.

Pode que che interese...

Informe de erros

O seguinte texto será enviado aos nosos editores: