Edificio Castromil en Construcción en 1925 / foto Consorcio de Santiago de C.

Vídeo: Así foi como se derrubou un dos grandes edificios históricos de Compostela

Tempo de lectura: < 1 min.

Entre setembro e outubro de 1975 e en medio de protestas veciñais as máquinas entraron na compostelá praza de Galicia para deixar o antigo edificio da empresa Castromil convertido en escombros. Era un edificio modernista, unha xoia do século XX da cidade, deseñado en 1922 polo arquitecto Rafael Gómez Villar. O edificio foi unha verdadeira perda na cidade, pois con el se derrubaba un dos máis significativos edificios do epicentro da modernidade na cidade.

Foi Euloxio R. Rubial e o Equipo Lupa, pioneiros do cinema na década dos setenta, quenes recolleron o testemuño desta histórica perda. No filme O edificio Castromil (1975), proxectado no pasado festival de Curtocircuito da cidade de Santiago de Compostela, puideron verse integramente, de maneira pública, en pantalla grande e despois de máis de corenta anos as imaxes do histórico derrube.

 

 

No pase amosáronse tamén outras pezas como A rapa das bestas (1972), filmada en Candaoso, Viveiro, O Corpiño (1973), filme da popular romaría ou Peliqueiros (1973), documento sobre o entroido de Laza.

O Equipo Lupa, foron pioneiros do cinema documental en Galicia. O equipo, formado ó redor da compostelá Asociación Cultural O Galo, tiña como obxectivo a creación dun sistema de expresión e comunicación cinematográfico en galego e que prestaba atención preferente á documentación da cultura tradicional.Nel participaron creadores como Euloxio R. Ruibal, Félix Casado, Clemente Crespo ou Roberto Vidal Bolaño.

 

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Escrito por

Historiador da Arte pola Universidade de Santiago de Compostela, Máster en Renovación Urbana y Rehabilitación e Diploma de Estudos Avanzados en Arte, Urbanismo e Patrimonio. Especialista en fotografía esférica e creador de entornos virtuais. Investigador independente, especialista en arquitectura e territorio. Colaborador habitual de Historia de Galicia. www.inigomouzoriobo.eu

Pode que che interese...

Informe de erros

O seguinte texto será enviado aos nosos editores: