fbpx
O Guerreiro do Monte Pindo / wikipedia
Un dos guerreiros do Monte Pindo / José Antonio Gil García, wikimedia CCBy

Coñece neste mapa interactivo as andainas, conferencias ou actividades do Día do Patrimonio

Tempo de lectura: 3 min.

Máis de 30 entidades de defensa do patrimonio de Galicia realizarán perto de 40 actividades esta fin de semana con motivo do Día do Patrimonio Mundial que se celebra o vindeiro 16 de novembro. Coordinads pola Rede polo Patrimonio terán lugar obradoiros, debates, xornadas de divulgación e investigación, exposicións, concursos fotográficos, andainas, e diversas actividades relacionadas co patrimonio en todos os recunchos do país. As accións comenzaron o día nove é estenderánse nesta fin de semana e ao longo da seguinte.

Magostos, visitas a numerosos bens culturais do país, xornadas de divulgación, protección ou de antropoloxía, concursos escritos e fotográficos, obradoiros culturais e patrimoniais, celebración de xornadas de limpeza ou a presentación de guías didácticas sobre o patrimonio. Son algunhas das actividades organizadas por máis de 30 entidades convocadas pola Rede do Patrimonio Cultural de Galicia (RPC) para celebrar o Día do Patrimonio Mundial.

Detalle do conxunto rupestre do Pornedo / Monte Pituco

A UNESCO estableceu esa data no 16 de novembro, pero a RPC realizará actividades ao longo desta semana e a que ven. Será a terceira vez que esta entidade contribúa á visibilización do patrimonio cultural galego e das entidades que o promoven, protexen e poñen en valor, ofrecendo un calendario conxunto de actividades do tecido patrimonial e cultural de Galicia.

De feito, o pasado ano, este colectivo mobilizou tamén a numerosas entidades para celebrar un día que se converteu nunha gran xornada de reivindicación da importancia do noso patrimonio. Ademais, e tal e como aconteceu no 2018, a rede propón empregar o cancelo #DiadoPatrimonio para as as comunicacións nas redes sociais relativas aos distintos eventos convocados.

Actividades

Así, entre as actividades destacan os roteiros organizados por Historia de Galicia, Patrimonio Galego e a Asociación Monte Pindo Parque Natural este sábado dentro do proxecto Rutas de Historia.

Tamén organizarán actividades O Sorriso de Daniel, Apatrigal, Petón do Lobo, Asociación Cova Crea, Asociación de Amigos do Patrimonio de Castroverde, Asociación Amigos do Arqueolóxico de A Coruña, Colectivo A Rula, Mariña Patrimonio, O Suido Irmandade Santo Estevi e Augas Santas.

Tamén destacan as xornadas de antropoloxía, medio ambiente e protección do patrimonio a cargo de Monte Pituco e da Sociedade Antropolóxica Galega, o informe de Buxa a Asociación Galega do Patrimonio Industrial , o encontro Museoescola de Roxin Roxal na Fundación Uxio Novoneyra, mesas redondas coa participación da Asociación Profesional de Guias de Galicia.

 

Conferencias e limpeza de montes

Por outra banda, tamén haberá conferencias e congresos ao redor do Patrimonio organizados por Amigos do Arqueolóxico de A Coruña e de Pontevedra e unh xornada de limpeza da man da Comunidade de Montes de Baroña, que tamén levará aos pequechos da comarca a coñecer o patrimonio e rematará cunha festa da tradición oral e gastronómica.

Outras actividades convocadas son concursos de fotografía pola Asociación cultural e pedagóxica Ponte nas ondas, e exposicións pola Asociación Lazoiro e amigos dos Palcos da Música.

Ao longo da semana tamén se realizarán obradoiros de cabazas, sombreiros e colares de entroido, de perfumes romanos a cargo da Gentalha do Pichel, da asociación Entroido de Samede, Apelón Educación. Finalmente, celebraránse tamén presentacións de material divulgativo para público xeral e alumnado en particular da man do CenarGrupo de Investigación en Educación da Universidad de Vigo e de Patrimoniogalego.net.

Toda a información, horarios, lugares e días de actividades pódese consultar na web redepatrimonio.gal, onde tamén hai un mapa interactivo e os carteis con toda e cada unha das accións da RPC.

Castañas galegas/ mercadodelacosecha.com

A Rede do Patrimonio Cultural

A Rede do Patrimonio Cultural botou a andar o día 3 de xuño de 2017 nun acto celebrado no Museo do Pobo Galego no que se aprobou un documento avalado por 69 asociacións e entidades galegas relacionadas co patrimonio cultural. A día de hoxe 97 entidades conforman a Rede.

A RPC entende o noso patrimonio cultural como un dos principais activos sociais, identitarios e económicos de Galicia e, polo tanto, un recurso estratéxico para a sociedade galega contemporánea que debe ser conservado e transmitido, nas mellores condicións, ás vindeiras xeracións. Por iso, acolle a entidades que teñan por obxectivos a defensa e posta en valor do patrimonio cultural galego, tanto material como inmaterial. É un instrumento orientado a aqueles ámbitos territoriais ou sociopolíticos que resultan de difícil acceso para cada unha das entidades en particular.