fbpx
Petróflifo da Laxe das Lebres volteado en vertical / Tweetter

Cal é o petróglifo “máis riquiño” de Galicia?

Tempo de lectura: 2 min.

“Pode ser este o petróglifo máis riquiño do país?. Pode”. Con esta evocativa e retórica pregunta o divulgador do noso patrimonio Manuel Gago amosaba nos pasados días nas súas redes sociais un dos petróglifos máis singulares da nosa xeografía.

Trátase da imaxe dun dobre cérvido enfrontado en espello, no que semella un reflexo ó carón dun círculo con coviñas no seu interior. A imaxe ábrese a múltiples interpretacións, quizais de especial profundidade, pois os dous cérvidos separados por unha liña sinuosa son tamén macho e femia enfrontados.

En todo caso é unha das figuras do excepcional conxunto da Laxe das Lebres. Trátase dun gran panel cun elevado número de representación de cérvidos, tamén distintas figuras como antropomorfos a cabalo. Atópase na área arqueolóxica da Caeira, no concello de Poio, a uns 150 metros sobre o mar.

Laxe das Lebres / foto de megalítica.blogspot.com

A icónica representación esquemática foi sacada dun estudo do investigador Ramón Sobrino Buhígas.

Manuel Gago é un dos maiores divulgadores do patrimonio galego. Investigador, xornalista, comisario e escritor é director de Cultural Galega e profesor da USC. As súas redes sociais e o seu blog Capítulo Cero son amplamente seguidos por especialistas e amantes da cultura e do patrimonio. Porén, algúns seguidores atrevéronse a ir un pouco máis alá.

 

 

Escrito por

Historiador da Arte pola Universidade de Santiago de Compostela, Máster en Renovación Urbana y Rehabilitación e Diploma de Estudos Avanzados en Arte, Urbanismo e Patrimonio. Especialista en fotografía esférica. Especialista en arquitectura e territorio. Xestor de Contidos en Historia de Galicia. www.inigomouzoriobo.eu

Pode que che interese...