fbpx
Primeira corta de árbores no Parque dos Remedios de ourense / foto Amigas das Árbores de Galicia

Ourense comeza a corta de árbores no entorno da súa Ponte Vella

Tempo de lectura: 2 min.

A finais do mes de xullo o colectivo Usuarios do Parque do Couto e as Amigas das Árbores de Ourense daban a alarma. O Concello de Ourense presidido por Gonzalo Pérez Jácome cortaría un número indeterminado de árbores no Parque dos Remedios, ó pé da Ponte Vella de Ourense. O obxectivo sería obxectivo de deixar libres as vistas sobre a propia ponte, pois a corta formaría parte do proxecto da súa posta en valor.

Agora, catro meses despois, as novas sobre as cortas convertéronse en realidade, e tal e como se pode comprobar desapareceron xa algúnhas árbores de gran tamaño ó pé mesmo da ponte. Segundo Usuarios do Parque do Couto “o parque perderá o seu debuxo orixinal e a veciñanza perderá unhas árbores que lle dan vida e sombra”. Plantexan, ademais unha reflexión de fondo, “pódese perder patrimonio verde para que se vexa o patrimonio pétreo, en detrimento do patrimonio social e humano que somos toda a veciñanza?”.

Cortar as árbores ó pé dos monumentos?

A nova, que veu cargada de polémica non foi a única na cidade. Pois no mesmo mes de xullo o consistorio anunciaba tamén a corta dun enorme cedro na praza dos Suaves, ó pé mesmo da cabeceira da catedral. A nova tivo unha gran repercusión na cidade, dando lugar a manifestacións nas que mesmo participou mesmo Yosi, o membro do grupo que lle dá nome a praza.

O obxectivo era exactamente o mesmo, a corta da árbore que limitaba as vistas sobre a cabeceira da catedral. É por isto que a polémica abriu un intenso debate, é adecuado cortar cortar as árbores da contorna dun monumento para ampliar as vistas sobre el? O certo é que non foi o único monumento que sufriu este atentado, que nos últimos tempos se está a repetir en diferentes lugares de Galicia con semellantes protestas sociais, como no entorno do Monte do Castro de Vigo ou na praza de Conxo de Santiago de Compostela.

Escrito por

Historiador da Arte pola Universidade de Santiago de Compostela, Máster en Renovación Urbana y Rehabilitación e Diploma de Estudos Avanzados en Arte, Urbanismo e Patrimonio. Especialista en fotografía esférica. Especialista en arquitectura e territorio. Xestor de Contidos en Historia de Galicia. www.inigomouzoriobo.eu

Pode que che interese...