fbpx
Apostolado de Santo Estevo de Ribas de Sil

Así foi a singular campaña na que o románico da Ribeira Sacra pediu coidarte fronte á pandemia

Tempo de lectura: < 1 min.

Sobre unha imaxe aterradora dun capitel cheo de monstros a lenda “o bicho anda solto” ou nun canzorro cun delicado entrelazado “un abrazo imposible”. Estes son dous dos oito exemplos de como, ó longo do pasado Nadal, o románico da Ribeira Sacra nos pedía que nos coidaramos durante a pandemia.

Trátase dunha singular iniciativa da asociación O Sorriso de Daniel, un dos grandes defensores e divulgadores do románico galego. A campaña, difundida en redes sociais, aconsellaba coidarnos fronte o virus, baseándose en singulares detalles do noso románico.

A necesidade do uso de máscara, a conveniencia de ventilar, a recomendación de limitar o aforo nas reunións de familia ou a de gardar unha distancia social con outras persoas non convivintes foron algúns dos temas divulgadas xunto a estes elementos. Capiteis, canzorros ou mesmo un apostolado de edificios como Santa Cristina, Santo Estevo ou San Salvador foron os históricos protagonistas.

A Campaña lanzouse co apoio do consorcio de Turismo da Ribeira Sacra, que tamén está a publicar nas súas redes esta gráfica, e o Sorriso vén de enmarcar todas as gráficas, unha totalidade de oito, para envialas á UNESCO. Trátase dunha medida máis para avaliar a candidatura da Ribeira Sacra a Patrimonio Mundial neste 2021. As imaxes están en galego, castelán e inglés.

Escrito por

Historiador da Arte pola Universidade de Santiago de Compostela, Máster en Renovación Urbana y Rehabilitación e Diploma de Estudos Avanzados en Arte, Urbanismo e Patrimonio. Especialista en fotografía esférica. Especialista en arquitectura e territorio. Xestor de Contidos en Historia de Galicia. www.inigomouzoriobo.eu

Pode que che interese...