Denuncian un novo arboricidio en Ourense, nas obras do Museo Arqueolóxico | Historia de Galicia
Corta da araucaria / foto Amigas das árbores de Ourense

Denuncian un novo arboricidio en Ourense, nas obras do Museo Arqueolóxico

Tempo de lectura: < 1 min.

Unha araucaria de máis de medio século tallada polo pé. Este é o novo arboricidio que dende Amigas das Árbores de Ourense e o colectivo Usuarios do Parque do Couto están a denunciar despois de que, o pasado día 15, esta perda se sumara á triste nómina de árbores desaparecidas na cidade, neste caso ó pé dun edificio histórico.

Trátase dunha corta no Museo Arqueolóxico de Ourense, edifico que, como xa contamos, se atopa en proceso de ampliación. A árbore, posiblemente a maior araucaria da cidade, atopábase xunto ó busto de Xesús Ferro Couselo nuns parterres que foron levantados canda a ampliación do edificio na década de 1960.

”As cidades con cultura coidan e protexen o seu patrimonio vivo, as árbores intégranse harmoniosamente nos seus cascos históricos, nas súas rúas, parques e xardíns”, declaran dende Amigas das Árbores. “En Ourense e en Galicia”, afirman “estase xeneralizando unha pandemia arboricida que está eliminando árbores de valor histórico e patrimonial insubstituíbles”. Dende as redes afírmase que “como mínimo podían tela trasladado a un xardín botánico”.

As árbores no parterre do museo museo / foto usuarios do parque do Couto

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar. Non esquezas deixar o teu email se queres que o autor/a che dea unha resposta

Escrito por

Historiador da Arte pola Universidade de Santiago de Compostela, Máster en Renovación Urbana y Rehabilitación e Diploma de Estudos Avanzados en Arte, Urbanismo e Patrimonio. Especialista en fotografía esférica. Especialista en arquitectura e territorio. Xestor de Contidos en Historia de Galicia. www.inigomouzoriobo.eu

Pode que che interese...

Informe de erros

O seguinte texto será enviado aos nosos editores: