Descubrimentos sorprendentes na cova da igrexa de San Xoán de Vello; restos de nenos e un posible non nato
Na primeira xornada da segunda etapa de excavación na cova de San Xoán de Vello, en Viveiro, os arqueólogos do grupo Síntesis atoparon unha ducia de ósos humanos e un posible non nato. Posiblemente, estos restos pertenceron a nenos que foron sepultados na propia igrexa da cova.
Os científicos abriron unha das tres tumbas que se conservan no xacemento, en concreto a que apareceu completa, e atopáronse algo que non esperaban: unha zona moi movida durante moito tempo, cun revolto de ósos, seguramente moitos deles de cadáveres para enterrar a outras persoas.
Ademais, como lle indica a La Voz o arqueólogo Fran Alonso, o máis novidoso foi “atopar un probable feto”, o cal “é moi raro que estea incorporado nunha igrexa, nun lugar sagrado”.
A mala conservación dos restos dificultará a labor do antropólogo, que pretendía estudar a partir dos ósos aspectos como as patoloxías dos individuos.