Francisco Rodríguez: “É incrible que se manteña por máis tempo a orixe do reino de Asturias”
Francisco Rodríguez destacou pola súa faceta de político, como deputado do BNG no Congreso durante 12 anos, e de crítico literario. Agora, vén de publicar o libro Unha etapa estelar e conflitiva de Galiza. A segunda metade do século XIV onde reinvindica a existencia do Reino de Galicia durante esta etapa da Idade Media.
O reino medieval que a historiografía española define como Reino de Asturias, non é “o reino orixinal”, en palabras do exdeputado do BNG. Durante a presentación do libro no Museo do Pobo Galego comentou que o seu libro pretende ser “unha protesta pública do estado da cuestión”.
«É incrible que se manteña por máis tempo a orixe do reino de Asturias e logo, por visión progresiva, tamén a do reino de León», dixo Rodríguez, excluíndo de ambas o papel determinante da antiga Gallaecia. Asimesmo, comentou a posibilidade de falar dunha historia conxunta dun reino galaico-astur-leonés, mais non se pode negar a relevancia fundamental de Galicia no momento.
Declarou que a súa formación é completamente autodidacta no campo de historia, ademais de poñer en valor o traballo previo, e despreciado pola historigrafía española, de historiadores como Benito Vicetto, Manuel Murguía e, na actualidade, de Anselmo López Carreira. Máis información en La Voz de Galicia.
