Un percorrido visual polos petróglifos galegos
O Parque Arqueolóxico de Campolameiro inaugura unha mostra do matemático e fotógrafo vigués Xulio Gil.
Petróglifos galegos / mostra de Xulio Gil
“Figuras nas rochas. Un percorrido visual polos petróglifos de Galicia“. Así se chama a exposición que comeza este martes na sala de exposicións temporais do Parque Arqueolóxico de Campo Lameiro.
Trátase dunha escolma de fotografías de petróglifos realizada por Xulio Gil, matemático e fotógrafo vigués que foi “Premio da Crítica en Artes Plásticas” no ano 2013, e que presume dunha fonda querenza pola Prehistoria. Esta montaxe expositiva prolongarase durante toda a semana coa idea de celebrar a efeméride do “Día Internacional dos Museos”.
A visita é gratuíta coa entrada xeral ao Parque. No caso de visitas guiadas é necesaria a reserva previa entre os días 17 e 20 de maio.
