Localizado un proxectil da Guerra Civil en Ourense
A Policía Nacional retirou un proxectil antiaéreo da Guerra Civil española dunha vivenda de Ourense, á que foi trasladado tras o falecemento do propietario.
Os feitos sucederon hai unha semana, cando unha muller se dispoñía a facer limpeza no domicilio do seu pai recentemente falecido, situado en A Peroxa, e atopou nun armario un proxectil antiaéreo.
A muller decidiu entón trasladalo á súa vivenda na cidade de Ourense como “recordo” do seu pai, xa que fora piloto do exército de aire durante a Guerra Civil española.
Pero por consello dun familiar, a muller informou do achado a Policía Nacional, que se trasladou ao domicilio e confirmou a “perigosidade” do artefacto e a necesidade de analizalo e retiralo. Para conseguir o proxectil desprazáronse ata a vivenda especialistas en explosivos dos Tedax.
