Atopan un túnel na muralla de Lugo

A muralla romana de Lugo acaba de dar unha nova sorpresa; a aparición dun túnel de entrada a este monumento que estaba completamente oculto. O descubrimento fíxose por casualidade, ao levantar o terreo polo temor a que un problema de humidade danase a muralla.

O achado foi practicamente casual, xa que o túnel localizouse nunha zona na que non estaba previsto actuar nestes momentos. Con todo, aproveitando que hai unhas obras da Xunta preto e que se observou unha nivelación irregular do terreo, os arqueólogos decidiron intervir.

Polo momento non hai aínda conclusións sobre o que supón. Non se completou sequera a escavación e nin se coñecen as dimensións nin a profundidade da sorpresiva construción. Fonte: El Progreso