A musealización do Dolmen de Dombate recibe o premio de Construción Sostible
O Dolmen de Dombate foi galardoado polo Clúster de la Madera e o Deseño co premio á Construción Sostible.
Segundo informa a Deputación da Coruña nun comunicado, con isto quérese recoñecer “a aposta polo desenvolvemento sostible e a utilización de materiais naturais” durante a musealización realizada polo organismo provincial.
O Clúster da Madera outorga esta condecoración todos os anos con motivo do Día Mundial da Construción Sostible, que se celebra o 23 de setembro. Nesa mesma data, celebrarase o acto de entrega do premio nas instalacións do dolmen.
Nela, reuniranse autoridades e arquitectos para ler un manifesto “sobre a importancia de promover o uso de materiais naturais en construción e as iniciativas sostibles en xeral”, engade a Deputación.
Por outra banda, segundo explica, a principios de outubro, comezarán os traballos para instalar, no dolmen, “un innovador sistema electrónico que mellorará a recepción dos datos medidos polas estacións microclimáticas instaladas no dolmen e no edificio do pavillón que o protexe”, precisa.
