fbpx
Eclipse solar en Galicia en marzo de 2015 / Galipedia

Grandes fenómenos astronómicos en Galicia este mes: Chuvia de estrelas e eclipse solar

Tempo de lectura: 2 min.

Galicia disfrutará este mes de dous fenómenos astronómicos difíciles de observar. Así, por unha banda, obscurecerá o vindeiro 21 de agosto cun eclipse total de sol que será parcial e dunha magnitude moi pequena, o que significa que se tapará a cuarta parte da súa superficie. A totalidade do eclipse só será visible nunha franxa duns 200 quilómetros de ancho que percorrerá EE.UU., Atlántico Norte e Pacífico Norte.

Na nosa zona poderá observarse xusto na posta do sol, en torno ás 21:15 horas (oficial peninsular). O director do Observatorio Astronómico Ramón María Aller da USC, José Ángel Docobo, advirte de que a pesar de que o sol está moi baixo é imprescindible cumprir co protocolo de protección da vista, ou sexa, dispor de gafas especiais ou proxectar a imaxe do Sol sobre unha parede ou cartulina”. Nunca, insiste, debe observarse o sol sen protección adecuada “e aínda menos a través de instrumentos como prismáticos ou telescopios”.

Por outra banda, na noite do 12 ao 13 (concretamente entre as 16.00 horas do 12 e as 4.30 horas do 13) terá lugar a máxima intensidade da chuvia de estrelas coñecida como Perseidas. Unha cita astronómica habitual nos nosos ceos dende que no ano 36 d.C. se tivo a primeira testemuña delas.

Vendo as estrelas, o cosmo desde Galicia / mundocosmo.com

Eclipses na historia

A primeira referencia dunha eclipse dupla (solar e lunar) aconteceu 23 anos após a ascensión do Rei Shulgi da Babilonia. Aconteceu o 9 de maio (eclipse solar) e o 24 de maio (eclipse lunar) de 2138 a. C. O 4 de xuño de 780 a. C. recolleuse unha eclipse solar na China.

Herodoto escribiu que Tales de Mileto prediciu unha eclipse que tivo lugar durante a guerra entre os medos e os lidios. Os soldados dos dous bandos depuxeron as armas e declararon a paz. Non existe certeza sobre que eclipse foi, aínda que unha que ten bastantes probabilidades é a do 28 de maio de 585 a. C., posibelmente preto do río Halis, na Anatolia. Herodoto menciona tamén unha eclipse anular do sol o 17 de febreiro do 478 a. C., cando Xerxes partía para a súa expedición contra Grecia, así como outra, observada en Esparta ao ano seguinte, o 1 de agosto.

Último gran eclipse en Galicia

Un dos últimos grandes eclipses solares totais en Galicia tivo lugar o 20 de marzo de 2015. Entón o sol chegou a ocultarse un 75% nun fenómeno que comezou na Guarda ás 9.03 horas e rematou en Ribadeo ás 11.29.

Pode que che interese...