Unha estrutura fenicia ou unha nova sauna castrexa entre as hipóteses da edificación atopada no porto de Cervo
As obras de renovación da rede de saneamento do Porto de Arriba, en San Cibrao, descubriron presenza de dous muros pertencentes á fachada dunha mesma estrutura que os arqueólogos excavarán durante a vindeira semana.
Segundo apunta o Xornal da Mariña, aínda que é cedo para establecer unha datación ou a importancia do achaádego, os especialistas slaientan que se trata “dun edificio complexo” que habería que estudar.
Este venres confirmouse o que os especialistas sospeitaban e os traballos deixaron á vista; “restos estruturais moi potentes, cubertos de area de praia”, segundo explica Emilio Ramil, responsable da empresa Axa Arqueoloxía, radicada en Ferrol. O arqueólogo sinala que se remitiu unha solicitude a Patrimonio para que autorice unha prospección da zona máis ampla.
Estes mesmos restos poderían tratarse dos atopados xa por Chamoso Lamas nos anos 70. Corenta e cinco anos atrás, as informacións facíanse eco da hipótese de que o edificio, posteriormente tapado, se tratase dunha fábrica de salgadura de época fenicia.
No 2008, a partir das testemuñas da veciñanza que viviu as excavacións e de consultas a expertos, Mariña Patrimonio plantexou a posibilidade de que fose unha sauna castrexa ou pedra formosa e pediu á Xunta de Galicia que estudase a zona. Máis información no Xornal da Mariña.