Catro proxectos tecnolóxicos para coñecer e divulgar o patrimonio galego nos Encontros 3.05 | Historia de Galicia
Proxecto Romanarmy / Foto Conselloda Cultura Galega

Catro proxectos tecnolóxicos para coñecer e divulgar o patrimonio galego nos Encontros 3.05

Tempo de lectura: < 1 min.

Un denominador común: un importante esforzo pola divulgación e socialización do patrimonio a través das novas tecnoloxías. Ese é o punto de encontro de catro grandes proxectos sobre o patrimonio cultural galego que esta semana se porán a disposición do público dentro dos Encontros 3.05 do Consello da Cultura Galega.

Trátase de temáticas innovadoras, caracterizados polo emprego de novas tecnoloxías e a presentación de enfoques interdisciplinares como ferramentas de traballo. Estes catro proxectos, coa axunda das novas tecnoloxías, están a reformular o noso coñecemento en distintas materias relativas á investigación e a divulgación do patrimonio cultural de Galicia.

Trátase dos proxectos Romanarmy.eu, Epigraphica 3.0, o Proxecto Emchahe e Monumenta. O primeiro pretende ser unha xanela aberta ao estudo e á divulgación da presenza militar romana no noroeste peninsular; Epigraphica 3.0, pola súa parte, estudou as inscricións romanas da provincia de Ourense; Emchahe reformulou o coñecemento da arquitectura eclesiástica altomedieval e Monumenta foi un festival de rutas ao redor do Patrimonio.

Encontros Tecnolóxicos / foto Consello da Cultura Galega

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Escrito por

Historiador da Arte pola Universidade de Santiago de Compostela, Máster en Renovación Urbana y Rehabilitación e Diploma de Estudos Avanzados en Arte, Urbanismo e Patrimonio. Especialista en fotografía esférica. Especialista en arquitectura e territorio. Xestor de Contidos en Historia de Galicia. www.inigomouzoriobo.eu

Pode que che interese...

Informe de erros

O seguinte texto será enviado aos nosos editores: