Unha exposición na Biblioteca Nacional e un congreso no centenario de Emilia Pardo Bazán
Precursora do feminismo, loitadora pola igualdade e unha intelectual única que deixou un enorme legado literario, investigador e social. E é que o legado de Emilia Pardo Bazán será froito dunha exhaustiva revisión neste vindeiro 2021 con motivo do centenario do seu pasamento.
Neste 2021, ademais da devolución ó Estado do Pazo de Meirás, residencia da escritora, organizarase unha exposición itinerante na Biblioteca Nacional e un congreso no que se revisará a transcendencia da súa figura. Tamén é o ano no que podería declararse Ben de Interese Cultural (BIC) a biblioteca da autora, con 10.855 volumes custodiados na sede da RAG e en Meirás.
Un congreso con preto dun cento de especialistas
Emilia Pardo Bazán nun retrato de Isidro Fernández Fuertes / foto PD Wikimedia
O reitor da Universidade de A Coruña, Julio Abalde, presentaron onte o pasado xoves o Congreso Internacional Emilia Pardo Bazán no seu centenario. Literatura e vida nos séculos XIX, XX e XXI. O Congreso reunirá en setembro na cidade da Coruña a preto dun cento de especialistas na autora. O congreso ten por obxectivo seguir avanzando no coñecemento da súa obra desde un punto de vista transversal.
O congreso, que se celebrará na cidade natal de Pardo Bazán, estará organizado por investigadores das tres universidades galegas e pola Real Academia Galega, agrupados en cinco grupos de investigación e o o programa de Doutoramento Interuniversitario en Estudos Literarios (UVigo e UDC).
O congreso está coordinado polo catedrático José María Paz Gago e conta coa co-dirección científica das docentes e investigadoras Cristina Patiño (USC) e Pilar Couto (UDC). O preto dun cento de especialistas analizarán a vida e obra da autora de xeito multidisciplinar, tanto desde perspectivas historicistas como filolóxicas e críticas.
Emilia Pardo Bazán escribindo nunha / foto de Emilio Ferrer foto PD Wikimedia
Unha exposición na Biblioteca Nacional
A Biblioteca Nacional de España (BNE) impulsará tamén unha gran exposición en 2021 sobre a figura de Emilia Pardo Bazán, coincidindo co centenario do pasamento da autora. A directora da Biblioteca Nacional, Ana Santos, o presidente de Acción Cultural Española, José Andrés Torres, e o Conselleiro Román Rodríguez pecharon o para organizala o pasado día 1 o acordo nunha reunión mantida na sede da BNE.
A mostra incluirá máis de 200 pezas procedentes tanto da Biblioteca Nacional como doutras institucións privadas. O obxectivo da iniciativa é amosar a modernidade dos retos literarios, intelectuais, persoais e políticos de Pardo Bazán, así como a súa dimensión europea e transnacional, sen deixar de lado a súa pegada en Galicia. Tamén as relación cos seus coetáneos e a súa participación nos intelectuais e políticos da época.
A exposición nace coa vontade de converterse na gran mostra do centenario e contará coa implicación de especialistas como Isabel Burdiel, catedrática da Universidade de Valencia e biógrafa da autora. A mostra, que está pensada para inaugurarse en Madrid e itinerar posteriormente á cidade da Coruña, revisará a vida e a obra da novelista máis sobranceira do seu tempo, así como pioneira nas ideas feministas, e intelectual de primeira orde.
