fbpx
Castro de Baroña / foto Jorjum CC-BySA Wikimedia

Seis castros formarán parte do futuro Parque Arqueolóxico da Idade do Ferro

Tempo de lectura: 2 min.

O Consello de Dirección do Parque Arqueolóxico da Idade do Ferro reuniuse esta mañá no Porto do Son nunha primeira xuntanza na que se aprobou a creación dun Consello Asesor e outras medidas encamiñadas a avanzar no proxecto como a confirmación dos castros que forman parte do plan ou a creación dunha imaxe corporativa e unha páxina web para o proxecto. Na mesma reunión aprobouse a incorporación do Concello de Dodro á iniciativa.

 Representantes da Deputación da Coruña e os concellos de Rianxo, Boiro, A Pobra do Caramiñal, Ribeira e Porto do Son participaron na primeira xuntanza do Consello de Dirección do Parque Arqueolóxico da Idade de Ferro, un proxecto que, segundo as institucións implicadas, “supón unha forte aposta pola posta en valor dos recursos históricos e polo turismo cultural de calidade”. A iniciativa ten previsto desenvolverse  coa implicación de diferentes axentes do ámbito do turismo, da arqueoloxía, da investigación e da divulgación polo que, xa na primeira xuntanza se aprobou a creación dun Consello Asesor que oriente os pasos futuros do proxecto.

Xuntanza de vicepresidente e deputado de Turismo e Patrimonio da Deputación da Coruña, Xosé Regueira, o presidente da Mancomunidade Barbanza Arousa e alcalde de Rianxo, Adolfo Muíños, o alcalde de Boiro, José Ramón Romero; o alcalde e a concelleira de Turismo da Pobra do Caramiñal, Xosé Lois Piñeiro e Rosario Varela; o concelleiro de Ribeira, Emilio Pérez Outeiral, o concelleiro de Porto do Son, José Manuel Deán, a xerente da Mancomunidade Barbanza Arouxa, Patricia Miralles e a técnica da entidade, Patricia Miralles e as da Deputación da Coruña, Maite Loureiro e Silvia Pérez para poñer en marcha o futuro Parque Arqueolóxico da Idade do Ferro

 Na xuntanza participaron o vicepresidente e deputado de Turismo e Patrimonio da Deputación da Coruña, Xosé Regueira, o presidente da Mancomunidade Barbanza Arousa e alcalde de Rianxo, Adolfo Muíños, o alcalde de Boiro, José Ramón Romero; o alcalde e a concelleira de Turismo da Pobra do Caramiñal, Xosé Lois Piñeiro e Rosario Varela; o concelleiro de Ribeira, Emilio Pérez Outeiral, o concelleiro de Porto do Son, José Manuel Deán,  a xerente da Mancomunidade Barbanza Arouxa, Patricia Miralles e a técnica da entidade, Patricia Miralles e as da Deputación da Coruña, Maite Loureiro e Silvia Pérez.

 Ademais, entre os acordos da sesión aprobouse a realización  nos próximos meses  Plan Director que rexirá o proxecto e que consistirá nunha folla de ruta completa para este Parque Arqueolóxico ao aire libre. De forma paralela, outro dos acordos que se tomaron na xuntanza foi botar a andar os traballos para  o deseño da imaxe corporativa e da páxina web como primeiras acción de dinamización.

 O Castro das Cercas de Isorna en Rianxo, o Castro da Croa de Posmarcos en A Pobra do Caramiñal,  o Castro de Achadizo e de Neixón en Boiro, o Castro da Cidá de Ribeira e o Castro de Baroña en Porto do Son son os recursos do Parque Arqueolóxico da Idade de Ferro,  un proxecto que terá identidade propia e baixo o que se construirá un relato que porá en valor o territorio.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar. Non esquezas deixar o teu email se queres que o autor/a che dea unha resposta

Pode que che interese...

Informe de erros

O seguinte texto será enviado aos nosos editores: