fbpx
Escenario do Barbeita Fest no Castro de Santa Marta, en Baiona / remitida

Polémica en Baiona por poñer o escenario dun festival de música enriba dun castro

Tempo de lectura: 2 min.

Veciños do Burgo, no Concello de Baiona, puxéronse en contaco este mércores con distintas entidades de defensa do patrimonio para denunciar que se estava levantando un escenario para o festival do Barbeita Season Fest nos restos do castro de Santa Marta.

Segundo o PXOM municipal, a parcela atópase dentro da área de respeto arqueolóxico do Castro de Santa Marta e cualificado con Protección ARqueolóxica Integral (PAI) de Grao I. De acordo con ese mesmo plan urbanístico, calquera intervención que afecte a un elemento recollido no catálogo municipal ou ao seu contorno de protección, estará supedidata a autorización previa por parte da Consellería de Cultura.Os veciños denunciantes aseguran que, en ningún momento, se pediu autorización algunha a concello ou consellería. Con todo, desde a a organización do evento defenden que a infraestrutura “non está tocando o castro” e que está fora da zona de protección. “Son terreos que pertencen ao concello de Baiona que foi que nos deu os permisos para montar o escenario”, aseguran.Colaboradores de Historia de Galicia que viven en Baiona aseguran que é “difícil de determinar” a afectación deste escenario xa que o castro está xa moi modificado e, ademais, sen escavar, o que fai moi difícil determinar o seu nivel de destrución. Nel hai numerosas construcións feitas, especialmente, no último cuarto do século XX, pero tamén outras que levan xa máis dun século como a propia igrexa ou unha factoría de conserva. “Aí lévanse celebrando toda a vida as festas de Santa Marta, é un aparcadoiro de autocaravanas e o Barbeira Fest xa se ten celebrado outros anos no mesmo sitio. Tamén na mesma contorna celebrouse este ano outro festival de música dos anos oitenta”, apunta este colaborador.

Pode que che interese...

Informe de erros

O seguinte texto será enviado aos nosos editores: