Centos de persoas berran “Salvemos Rocas” para evitar unha nova desfeita do patrimonio
Unhas 300 persoas participaron, segundo os organizadores, na manifestación que tivo lugar no mosteiro de San Pedro de Rocas baixo o lema SALVEMOS ROCAS, organizada por SOS Ourense e o ente estatal Fundación Moreiras San Pedro de Rocas.
O acto comezou ás 11:45 h da mañá destacando o valor incalculable do BIC Paisaxe Cultural exoámbito San Pedro de Rocas, coa máxima categoría de protección, a de Paisaxe Cultural.
Os participantes percorreron o coto do mosteiro. A zona afectada polas obras, só poderían ser pavimentadas de novo, sen alterar absolutamente nada do seu trazado tal e como recolle a lei. As persoas alí presentes leron un manifesto en defensa do conxunto integral do mosteiro, realizaron un percorrido de 900 m ao longo das vías deste e para finalizar, concentráronse na zona afectada, que supón unha 20% da área patrimonial a destruír, onde leron a segunda parte do manifesto e realizaron unha posta en común das actividades futuras.
A camiñada celebrouse de maneira pacífica e custodiada pola Garda Civil, sen impedir que os autobuses que accedían ao recinto puidesen circular sen inconvintes, como o fan a miúdo.
Un BIB único
“A estrada afectada na que se iniciaron os traballos, non se pode concibir como unha estrada ao uso, xa que se trata do único tramo que atravesa o coto do mosteiro en apenas un quilómetro, área que non se debe tocar baixo ningún concepto segundo a leis de Patrimonio autonómica e estatal, velaí as dúas primeiras denegacións da Dirección Xeral de Patrimonio no 2011 e 2018″, indican os organizadores nun comunicado.
“É como pretender alterar o trazado dunha vía histórica nun centro histórico, porque é continuidade dunha estrada maior”, engaden. O coto do mosteiro, un dos poucos conservados integramente sen fragmentación na súa extensión (40ha) ata os nosos días, coas súas zonas de cultivo, camiños, muros perimetrais e divisorios, construcións que pertenceron ao mosteiro benedictino, Camiño Real, así como o xa coñecido, é un espazo arqueolóxico e histórico de incalculable valor e para a súa protección creouse fai máis dun ano a Fundación que leva o seu nome para o seu estudo e protección.