fbpx
Santa Comba de Bande / foto Turismo de Galicia

Novas hipóteses sinalan a orixe sueva de Santa Comba de Bande

Tempo de lectura: < 1 min.

A Igrexa de Santa Comba de Bande é considerada pola maioría de historiadores como un exemplo da arte visigoda galega. A pesares deste gran consenso, hai historiadores que comezan a poñer en dúbida esta teoría e deducen que Santa Comba de Bande pode ter orixe sueva. 

No mosteiro de Celanova hai un documento datado do ano 872 no que o rei Afonso III solicita a reconstrución dunha vella capela en ruínas dende 200 anos. O historiador José Manuel Barbosa, no blogue Desperta do teu sono, supón que en 672 xa existía un edificio novo nese mesmo lugar que podería ser construído cen anos antes. 

Existen referencia de que San Pedro de Rochas ou Santa Cristina de Ribas de Sil foron construídas en época do Rei Miro. O seu reinado estendeuse dende o 570 ata o 583, últimos anos suevos antes da conquista visigoda. Isto é cen anos antes do abandono da antiga Santa Comba de Bande. “Se computamos esses cem anos menos em que um edificio de pedra dificilmente poderia estar numa situação tão deplorável, as nossas contas levar-nos-iam para essa época martiniana em que localizamos os edificios de estética sueva”, conclúe José Manuel Barbosa.

Pode que che interese...