Eólicos, desenvolvemento rural ou fauna réptil, entre os temas das xornadas da Sociedade Galega de Historial Natural en Pontevedra
Este venres, 22 de novembro, comeza a VII edición das Xornadas Galegas de Patrimonio Natural e Biodiversidade organizadas pola Delegación de Pontevedra da Sociedade Galega de Historia Natural. A inscrición para a asistencia ao evento, que será desenvolto entre o Teatro Principal de Pontevedra e a Escola Universitaria de Enxeñería Forestal, está aberta e é gratuita.
O compendio de actividades abre, este venres, cunha proxección do documental “El bosque salvaje de Pardomio”, acompañado dun diálogo co director Carlos Rodríguez. O sábado, a partir das 9:45 horas da mañá, poñen inicio unha serie de presentacións e charlas con temáticas moi variadas.
Rewilding con bisontes, ecopostureo ou paisaxes humanas “naturais”
Durante a xornada do sábado, docentes das diferentes universidades galegas e figuras de tecidos asociativos, así como creadores e promotores culturais, atallarán diferentes arestas do patrimonio e medioambiente de Galicia, así como os do alén das súas fronteiras. A intervención do xornalista Benigno Varillas tratará o desenvolvemento rural en Tierra de Campos, falando do rewilding con bisontes e tarpáns.
Outros títulos que acompañan estudos e perspectivas son “Anfibios e réptiles de Galicia”, “Condorcas e veleiros” ou “Morcegos e parques eólicos”, todas concretadas en horario e altofalantes no cartaz da programación.
