A Escola Oficial de Idiomas de Ferrol acolle unha charla sobre a vida cotiá da cidade no século XIX
A Escola Oficial de Idiomas de Ferrol será escenario este mércores dunha conferencia centrada na vida cotiá da cidade no século XIX, nunha actividade promovida pola Asociación Cultural ‘Goethe’. O encontro terá lugar ás 18:30 e contará coa participación dos historiadores Esperanza Piñeiro de San Miguel e Guillermo Llorca.
Durante a sesión, ambos investigadores abordarán os contidos da exposición ‘O Ferrol do pasado. Memoria da vida cotiá’, da que son comisarios, e que pode visitarse estes días no Centro Cultural Torrente Ballester. A proposta reúne pinturas, obxectos, fotografías e textos que permiten achegarse á realidade social, económica e cultural da cidade nun período clave da súa evolución urbana.
A mostra formula un percorrido pola experiencia diaria da poboación ferrolá, con especial atención aos espazos domésticos, ás relacións sociais e ás transformacións experimentadas no século XIX. Segundo explican os seus responsables, a iniciativa pretende ofrecer unha aproximación divulgativa baseada en materiais documentais e patrimoniais que axudan a reconstruír escenas da vida ordinaria.
Ademais do seu valor expositivo, a proposta preséntase como un avance do futuro Museo de Ferrol, proxecto co que se aspira a dotar á cidade dun espazo estable dedicado á conservación e difusión da súa memoria histórica. A conferencia deste mércores servirá así para contextualizar a exposición e ampliar información sobre o proceso de investigación e selección de pezas que deu lugar á mesma.
A actividade está aberta ao público ata completar aforo.
