Un manuscrito conservado en Ferrol achega novos datos sobre a fuxida do último alcalde republicano de Monforte
Un documento manuscrito conservado no Arquivo Militar de Ferrol permitiu incorporar un novo episodio á traxectoria do último alcalde republicano de Monforte, Juan Tizón Herreros, ao situalo en Ponferrada nos primeiros días da Guerra Civil formando parte dun comité organizado para defender a legalidade republicana.
O achado foi realizado polo historiador Santiago Macías, no marco dun traballo de elaboración dun censo de vítimas da represión franquista no Bierzo. Segundo explica, o documento —datado arredor do 20 de xullo de 1936— recolle os nomes dos integrantes dun comité impulsado polo alcalde de Ponferrada, Juan García Arias, quen sería posteriormente fusilado polos sublevados.
Máis información en La Voz de Galica
