Tres anos despois da cesión provincial, o recinto histórico de Os Pendellos acumula pintadas, deterioro e abandono municipal

Os Pendellos de Agolada, declarados Ben de Interese Cultural (BIC), atravesan un momento de deterioro e abandono que está a xerar malestar entre veciños, colectivos locais e algunhas formacións políticas. As críticas apuntan directamente ao Concello de Agolada, que desde xaneiro de 2023 asumiu a responsabilidade sobre o mantemento e a conservación deste singular conxunto arquitectónico, considerado un dos mercados tradicionais mellor conservados de Galicia.

A historia recente dos Pendellos ten un punto de inflexión concreto: o 5 de xaneiro de 2023, véspera de Reis, cando a entón presidenta da Deputación de Pontevedra, Carmela Silva, se trasladou a Agolada para formalizar a cesión do recinto ao goberno local. No acto, o entón alcalde, Luis Calvo, asumiu publicamente o compromiso de “coidar dos pendellos e a respectar o herdado dos nosos antepasados”. Aquel convenio poñía fin a un proceso que se iniciara o 23 de marzo de 2022 e que supuxo a transferencia dun espazo que, ata ese momento, fora propiedade da institución provincial, que fora a que en seu día achegou os fondos necesarios para a adquisición dos diferentes pendellos que conforman o conxunto.

Máis información en La Voz de Galicia