Un posible enterramento da Idade do Bronce en Cortegada enfróntase á desaparición pola erosión mariña

Unha discreta estrutura de pedra situada na beira do mar na illa de Cortegada podería converterse nun dos exemplos máis claros dos riscos que afronta o patrimonio arqueolóxico costeiro galego. Investigadores do Grupo de Estudos de Arqueoloxía, Antigüidade e Territorio (GEAAT) da Universidade de Vigo consideran que os restos presentan características compatibles cunha antiga cista funeraria, un tipo de enterramento habitual na Idade do Bronce, aínda que polo momento non existen evidencias suficientes para confirmar definitivamente esta interpretación.

O posible xacemento forma parte das investigacións desenvolvidas no marco do proxecto Sentinela, unha iniciativa que desde 2023 traballa na documentación, actualización e seguimento do patrimonio cultural presente no Parque Nacional das Illas Atlánticas. O programa permitiu nos últimos anos realizar importantes avances arqueolóxicos, entre eles a identificación dunha gran vivenda castrexa nas illas Cíes, ademais de novas actuacións en Cortegada.

Máis información en Faro de Vigo