Forzas vivas miñoranas / Cedida

Así se disputaban o poder as elites do Val de Miñor: unha investigación destapa as loitas políticas de comezos do século XX

Tempo de lectura: < 1 min.

O funcionamento do poder municipal, as relacións entre as elites políticas e as disputas polo control das institucións no Val de Miñor durante as primeiras décadas do século XX constitúen o eixo dunha nova investigación histórica. O historiador José Luis Mosquera Veleiro acaba de publicar ‘Votos son triunfos. As elites do Val de Miñor: a loita polo poder durante a monarquía de Alfonso XIII’, unha obra que reconstrúe o escenario político da comarca nos anos anteriores á ditadura de Primo de Rivera e examina o papel dos dirixentes locais e dos seus adversarios na vida pública.

O libro será presentado este venres 23 de outubro, ás 20.00 horas, na sede do Instituto de Estudos Miñoráns (IEM). No acto, o autor estará acompañado polo editor Xosé Ramón García e polo doutor en Historia e cronista oficial de Baiona Anxo Rodríguez Lemos, que participarán na presentación dunha investigación centrada nun período de transformacións políticas e institucionais.

Máis información en Faro de Vigo

Pode que che interese...