Obras e movementos de terra arrasaron cunha mámoa no parque empresarial de Friol / Xabier Moure

Entullo e maquinaria pesada arrasan parte dunha necrópole megalítica no parque empresarial de Friol

O Colectivo Patrimonio dos Ancares e ADEGA acaban de presentar unha denuncia ante o Servizo do Patrimonio Cultural da Xunta de Galicia e o Servizo de Protección da Natureza da Garda Civil (SEPRONA) por unhas remocións de terra con maquinaria pesada que están a efectuar no parque empresarial de Friol e que afecta gravemente a unha necrópole megalítica formada por catro mámoas.

Estes colectivos comprobaron que sobre a mámoa catalogada coa clave GA27020050 está a pasar maquinaria pesada. “Obsérvanse claramente as profundas rodeiras, feito que está a danala e alterala gravemente”, apuntan nun comunicado. Para as obras da construción da nave os camións están pasar, literalmente, sobre o túmulo megalítico. Ademais, ao seu carón están a acumular entullos das obras.

Entullo e pegadas de maquinaria pesada sobre unha das mámoas dun enterramento megalítico en Friol / Xabier Moure

Por iso pediron xa, de forma urxente, que se tomen as medidas necesarias para protexer o enterramento megalítico e, de ser o caso, se concreten as responsabilidades penais, civís e/ou administrativas que puideran derivarse dunhas actuacións que consideramos moi graves e que vulneran a Lei do Patrimonio Cultural de Galicia. Tamén lle piden á Dirección Xeral de Patrimonio que lles informe si se solicitou permiso para facer as obras, permiso obrigatorio cando afecta a un xacemento arqueolóxico.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

2 Respostas

  1. 10 Setembro 2017

    […] Foi o día 4 de setembro de 2017 cando os colectivos Patrimonio dos Ancares e ADEGA presentaron denuncia ante Patrimonio e o SEPRONA pola primeira agresión a unha mámoa da necrópole denominada Monte da Gándara-Monte das Tenzas, onde está o parque empresarial de Friol, catalogada coa clave GA27020050. Un feito do que demos conta en HdG. […]

  2. 16 Decembro 2017

    […] obedece á denuncia que o pasado mes de setembro presentou o Colectivo Patrimonio dos Ancares, e da que xa deu conta este portal, pola agresión a dúas mámoas e a destrución total doutra con maquinaria pesada, todas […]

Deixa unha resposta

Informe de erros

O seguinte texto será enviado aos nosos editores: