Un avin Lorin R. III da II República Española / pinterest

O avión repúblicano que escachou contra un sepulcro medieval

Era finais de agosto de 1933 cando a aldea de Fornas, en Chantada, mobilizouse case por completo. O motivo, o accidente dun avión na coñecida como finca dos Sepulcros. Unha veiga onde hai sepulturas escavadas na rocha.

O avión, un 21-10, quedou seriamente danado tras a aterrizaxe de emerxencia por problemas mecánimos. O aparello foi bater coa rocha onde están os sartegos e rachou unha das as. Os seus pilotos saíron, de miragre, con vida.

O xornal ABC publicaba na súa edición do 2 de setembro de ese ano os restos destrozados do avión vixiados por un garda civil a cabalo, e detrás del unha multitude de xente mirando. De feito, foi tal a sona daquel accidente que moitas xentes da contorna achegaronse nos días sucesivos a ver o aparello. Xabier Moure destaca que xente da contorna contoulle que moitos pedazos dese avión seguen en casas particulares.

O Sartego de Fornas, en Chantada / Xabier Moure

O sepulcro

O sartego de fornas é mencionado desde hai moito tempo en diversas publicacións, como a guía de Chantada que publicou en 1991 o falecido escritor Ánxel Gómez Montero. O lugar tamén está incluído nos inventarios oficiais da Dirección Xeral de Patrimonio.

A súa orixe pode estar vinculada coas fundacións monásticas. É do tipo coñecido como sepulcro bisomo, isto é, preparado para aloxar dous corpos ao mesmo tempo. A cavidade aberta na rocha mide sobre 1,95 metros de longo, cunha anchura máxima duns 85 centímetros, e está rodeada dun pequeno bordo tallado que probablemente serviu para encaixar unha tapa que cubría todo o oco.

Segundo o filólogo Fernando Cabeza, é moi posible que esta sepultura dese o nome a toda a parroquia de San Cristovo de Fornas. O topónimo, ao seu xuízo, derívase da palabra latina furnus -forno ou concavidade- e está emparentado con outros nomes de lugar repartidos por Galicia, como Fornelos, Fornacho ou Fornaco, que se relacionan igualmente coa presenza de sepulturas antropoides.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

Deixa unha resposta

Informe de erros

O seguinte texto será enviado aos nosos editores: