Os eucaliptos danan a mámoa 1 de Espadanido, no campo de mámoas das Campaniñas, en Ferrol
Os eucaliptos danan a mámoa 1 de Espadanido, no campo de mámoas das Campaniñas, en Ferrol

Outra mámoa esnaquizada por eucaliptos a un quilómetro de onde foi denunciado outro atentado similar

Outra vez unha mámoa e outra vez os eucaliptos. E, nesta ocasión, o delito é dobre porque aconteceu a un quilómetro de onde hai pouco máis de dous meses esta mesma web informaba doutro caso similar. Entón era unha mámoa de Mougá, na parroquia de Doniños, en Ferrol. Desta volta é a Mámoa 1 de Espadanido, na parroquia de Esmelle, tamén no mesmo concello.

Os eucaliptos danan a mámoa 1 de Espadanido, no campo de mámoas das Campaniñas, en Ferrol

Esta mámoa atópase catalogada cun conxunto doutras trece que forman un gran enterramento megalítico, e que se coñece como mámoas das Campaniñas. Segundo informou un lector deste portal, neste ben catalogado baixo o rexistro GA15036020 do planeamento urbanístico de Ferrol, volveron chantar unha plantación de eucaliptos. Estes feitos xa foron denunciados ao Concello e a patrimonio, como noutros casos anteriores.

Tamén en marzo, HdG informaba de que os activistas patrimoniais Luis S. Seoane e Xabier Moure presentaran no Servizo do Patrimonio Cultural na Coruña e no Concello de Ferrol unha denuncia tras unha nova agresión a unha mámoa de Mougá.

A agresión tiña lugar hai poucos días ao acondicionar o terreo para unha plantación de eucaliptos con maquinaria pesada, concretamente, unha desbrozadora de cadeas. Unha agresión que afectou gravemente á masa tumular. A necrópole megalítica de Mougá está formada por máis de 20 enterramentos que teñen unha antigüidade que vai do 5000 ao 2500 antes de Cristo.

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

  • Nemigo

    a zona está a ser traballada duramente ca tala de eucaliptos e a plantación de máis eucaliptos. Na mesma zona están a facer outra tala preto doutra mamoa e subindo polo monte cara a campaiñas hai un vertedeiro de residuos forestais preto de outro grupo de mámoas. O concello de ferrol no se ve que estea a ter una acción activa contra estes atropellos

Informe de erros

O seguinte texto será enviado aos nosos editores: