Queres descubrir as Cantigas de Santa María no seu orixinal, en pdf e de balde, no cabodano do rei “Sabio”?
O 4 de abril de 1284, fai hoxe exactamente 736 anos, morría Alfonso X, “O Sabio”. Foi rei de Castela entre 1252 e 1284 e pasou a meirande parte da súa vida en Toledo e no sur peninsular. Mais Alfonso o chamado rei “Sabio” foi un sen dúbida un dos grandes impulsores culturais na lingua de cultura do momento, o galaico-portugués, desenvolvendo, entre outras, unha das súas obras cumio, as Cantigas de Santa María.
Alfonso tivo unha intensa relación coa cultura galega, polo que sempre compre afondar nesta relación. Por isto o Consello da Cultura Galega está a preparar unha gran exposición sobre a súa obra que contará co comisariado de Antoni Rossell. Mais co gallo da preparación de esta exposición, aproveitando o día do seu pasamento e conscientes de ser tempo de descubrir a nosa cultura na casa, a institución pon a nosa disposición varios materiais para descubrir a obra do rei.
Trátase de varias edicións das Cantigas de Santa María en facsimilar, e en formato pdf, así como outros materiais como cortes de audio, e unha reprodución en 3D da Virxe Abrideira de Allariz, do século XIII, que pertenceu aá muller do monarca. As cantigas están recollidas na edición e transcrición do códice de Toledo, en dúas edicións diferentes, con limiares de Henrique Monteagudo e Ramón Villares. Dous libros excepcionais para comprender a nosa historia que podes consultar e descargar neste enlace.