fbpx
Castro de Troña e capela das Pías, Ponteareas / Wikimedia

Danzando no medio dun castro

Tempo de lectura: < 1 min.

Este domingo, 28 de agosto, ás 20.00 horas as persoas que visiten o castro de Troña poderán desfrutar do espazo dunha maneira especial. Catro compañías de danza bailarán entre os castros mostrando a súa arte para por en valor a xoia do patrimonio de Ponteareas. O concelleiro de Cultura, Fernando Groba, destaca que esta actividade “é unha oportunidade única para coñecer dende a creación artística un espazo con tanto significado para nós”.

As primeiras danzas que percorrerán os castros forman parte do espectáculo “Coreografías dun DeMente” da compañía de Fran Sieira, seguírao Álvaro Murillo co seu baile “8km en mula, despois será a quenda de Fran Martínez coa súa creación “ATemperatura OTemperamento”, e rematará a xornada NODE con “Emakumeak”.

O espectáculo forma parte do programa “Propulsa”, que organiza a Xunta de Galicia para exhibir todo o potencial creativo e patrimonial que atesoura Galicia. A actuación en Ponteareas é a última dun ciclo que pasou polo Cabo Fisterra, o castelo de Monterrei, e o peirao de Rinlo entre outros.

Pode que che interese...

Informe de erros

O seguinte texto será enviado aos nosos editores: