O Campus de Ourense afonda na difusión social da historia, a arte e a arqueoloxía a través de cursos de verán
Baixo o título Historia, arte e arqueoloxía: ferramentas para o seu coñecemento e difusión social, a Universidade de Vigo ofreceu un curso para afondar nos modelos de abordar e divulgar o pasado.
“É un curso interdisciplinar no que se vai falar de arte, de arqueoloxía e de historia e de como o profesorado da Universidade emprega diferentes métodos de investigación para estudar o pasado”, a profesora da Facultade de historia da Universidade de Vigo e directora da actividade, Carmen Pérez Maestro.
Dende o mércores 13 de xullo ata o sábado 16, o Campus de Ourense acolleu catro xornadas nas que se trataron temas como a represión cara as mulleres no franquismo, a achega das listas de embarque do porto de Vigo ao estudo da emigración galega a Venezuela, os rituais en honra a Artemis na Grecia clásica, a arte rupestre ou a pegada do mestre Mateo en Ourense.
O curso consistiu en dúas sesións teóricas e dúas visitas a diferentes espazos da zona da Limia relacionadas coas temáticas abordadas, unhas xornadas nas que participaron un total de 28 persoas. Destacou dentro da programación o obradoiro de fiado e tinguido que, baixo o guiado de Manuel García, permitiu abordar o tema da recreación histórica como medio de divulgación.
O curso, que rematou cun percorrido polo Couto Mixto e a súa historia, polo Castelo da Piconha e pola aldea de Pena da man de Juan Galiña e Eduardo Breogán Nieto. Ademais, participaron tamén outros profesionais da historia, da arte e da arquitectura na impartindo diferentes conferencias e actividades, como Tania Pérez, Ramón Campos, Susana Reboreda, Julio Parada, Beatriz Comendador, Joao Fonte, Carmen Pérez, Victoriano Nodar, Lucía Rodríguez, Emmanuelle Meunier. Máis información na web da Universidade de Vigo.