fbpx
Territorio do Couto Mixto

Piden que o Couto Mixto sexa declarado como Territorio Histórico

Tempo de lectura: 2 min.

A Asociación de Amgios do Couto Mixto pediralle á Xunta que declare esta comarca como Territorio Histórico amparándose na nova Lei de Patrimonio Cultural. Tamén lle solicitará aos gobernos español e portugués a dobre nacionalidade para os veciños de Santiago, Rubiás e Meaus, en Galicia, e os pobos portugueses de Cambedo, Soutelinho e Lama de Arcas.A entidade lembra que Lei do Patrimonio Cultural de Galicia aprobada polo Parlamento de Galicia define o territorio como “aquela paraxe natural vinculada a acontecementos ou recordos do pasado” e, polo tanto, pedirá a declaración e inscrición no Rexistro de Bens de Interese Cultural de Galicia o que no seu día foi esta entidade territorial.

Asemade, a Asociación de Amigos do Couto Mixto solicitará que os Concellos de Baltar e Calvos de Randín, que teñen xurisdicións nas parroquias que o integran, aproben senllas mocións que lles serán enviadas para sumárense á declaración de territorio histórico.

Por outra banda reclama a doble nacionalidade para os pobos do Couto Mixto e outros dous na raia portuguesa. Esta medida xa se aprobou en xaneiro de 1915 para os veciños do concello extremeño de Olivenza, despois de que a asociación “Além Guadiana”, procurase tal privilexio polo recoñecemento histórico dunha entidade territorial que ata 1801 foi portuguesa.

Vista do Couto Mixto

Vista do Couto Mixto

Tendo en conta que as vicisitudes históricas son semellantes á dos “pobos promíscuos”, Cambedo, Sotelinho e Lamadarcos, que ata a Lei de Límites de 1868 foran galegas, e o Couto Mixto un territorio independente baixo a tutela das Casas de Bragança e Monterrei, a Asociación de Amigos do Couto Mixto solicitará dos gobernos portugués e español idéntico tratamento.

Xuíces Honorarios

Esta asociación, nunha sesión celebrada o pasado día 9, acordou tamén celebrar o día 2 de xullo o tradicional acto de nomeamento dos Xuíces Honorarios na igrexa de Santiago de Rubiás á Eurocidade Tui-Valença, 2nafronteira –dúo musical composto por Carme Penim e Maurizio Polsinelli e a Asociación Galego-Portuguesa de profesores pola paz.

Finalmente, acordou render unha homenaxe aos homes e mulleres das Irmandades da Fala que no seu ideario contemplaron a realidade histórica, xeográfica e cultura dos pobos arraianos, para que chegaron a pedir que os seus cidadáns puidesen transitar a fronteira sen necesidade de pasaportes.

Pode que che interese...