Pódese parar o desastre do noso patrimonio? | Historia de Galicia
Pegadas do tractor agrario que esnaquiou o camiño do castro de Baroña / foto Ría de Noia

Pódese parar o desastre do noso patrimonio?

Tempo de lectura: < 1 min.

Como ben podedes comprobar a diario no noso xornal o patrimonio galego está a sufrir nos últimos anos unha vaga de atentados e desfeitas como nunca antes na nosa historia. Desastres que non só se seguen a producir senón que ademais va a máis ó mesmo ritmo que crecen actividades como a construción, as industrias madeireiras o forestais ou turismo de masas.

Pódese parar este desastre? Iso é precisamente o que queren saber un grupo de expertos en patrimonio que se reunirán dun xeito virtual o vindeiro venres 29 de maio. Farano na rede social Facebook e na plataforma YouTube, baixo o amparo da Asociación Cultural Roxín Roxal, a Rede de Patrimonio Cultural e co financiamento da Deputación da Coruña.

Serán Soledad Felloza da Rede de Patrimonio Cultural, Adela Figueroa de Adega, o historiador da asociación Patrimonio dos Ancares, Xavier Moure, colaborador de Historia de Galicia, e o Arqueólogo e director científico do CV Castro das Travesas, Antón Malde. Trátase de entender por que nin no confinamento cesou a destrución do patrimonio galego e como industrias como a madeireira están a impor a súa propia lei.

Pegadas do tractor agrario que esnaquiou o camiño do castro de Baroña / foto Ría de Noia

 

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar. Non esquezas deixar o teu email se queres que o autor/a che dea unha resposta

Escrito por

Historiador da Arte pola Universidade de Santiago de Compostela, Máster en Renovación Urbana y Rehabilitación e Diploma de Estudos Avanzados en Arte, Urbanismo e Patrimonio. Especialista en fotografía esférica. Especialista en arquitectura e territorio. Xestor de Contidos en Historia de Galicia. www.inigomouzoriobo.eu

Pode que che interese...

Informe de erros

O seguinte texto será enviado aos nosos editores: