fbpx
Combarro / foto hectorcoronelg CC0

Esta é a paisaxe de 30 vilas galegas que deberían conservarse

Tempo de lectura: 2 min.

Na provincia da Coruña Mugardos, Betanzos, Corcubión, Fisterra, Muros, Noia, Padrón e Pontedeume; En Lugo Mondoñedo, Monforte de Lemos, Ribadeo, Sarria, Monterroso, Portomarín, Castro de Rei e Viveiro; En Ourense Allariz, O Barco de Valdeorras, Castro de Valdeorras, Castro Caldelas, Celanova, Manzaneda, Verín, Ribadavia e Vilanova dos Infantes; E en Pontevedra Baiona, Cambados, Combarro, Tui e Vilanova de Arousa.

Estas son as trinta vilas históricas de Galicia con diferentes orixes e diferentes estados de conservación pero cun denominador común a súa “riqueza paisaxística”. Son as protagonistas do libro A paisaxe do tempo, unha publicación da Consellería de Medio Ambiente, Territorio e Vivenda na que se recolle a singularidade “de trinta núcleos menores de Galicia”.

Presentación do libro / foto xunta.gal

Trátase de localidades “que ostentan o privilexio de contar cun núcleo histórico menor e que presentan valores peculiares e diferenciados”. Trátase de “ámbitos que no seu día foron pezas moi importantes na rede urbana de Galicia, pero que non acadaron o mesmo nivel de desenvolvemento que as cidades ou vilas maiores”.

Ribadavia / foto Karlosman CC0

Trátase de 30 vilas con diferentes tipoloxías de núcleos históricos. Por exemplo as vilas itinerarias, aquelas que resultan da agregación lineal das edificacións, vinculadas a un itinerario de paso ou a un camiño previamente existente, ou os núcleos mariñeiros, entre os que se diferencian as vilas-ponte de fondo de ría e os portos fondeadoiro.

Mondoñedo / foto dkatana CC0

Mais son só algúns dos exemplos recollidos no libro. Pois trátase dun traballo de estudo e divulgación sobre a evolución urbanística e tamén territorial, paisaxista e da vivenda. Un traballo “de análise dende a perspectiva da ordenación urbanística, que ten en conta a paisaxe, a problemática dos tecidos residencias e o valor cultural destes núcleos históricos”, tal e como afirmaba a conselleira Ángeles Vázquez na presentación o pasado martes 19.

O libro conta tamén cun corpus normativo e un marco de intervención que recolle Lei do Solo, as Directrices de Ordenación do Territorio e da Paisaxe, ou Plan de Ordenación do Litoral, entre outras. Tamén a pregunta de se a sociedade galega está máis sensibilizada coa conservación e o uso sostible do territorio e da protección das paisaxes.

 

Vila de Muros / foto makuninCC0

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar. Non esquezas deixar o teu email se queres que o autor/a che dea unha resposta

Escrito por

Historiador da Arte pola Universidade de Santiago de Compostela, Máster en Renovación Urbana y Rehabilitación e Diploma de Estudos Avanzados en Arte, Urbanismo e Patrimonio. Especialista en fotografía esférica. Especialista en arquitectura e territorio. Xestor de Contidos en Historia de Galicia. www.inigomouzoriobo.eu

Pode que che interese...

Informe de erros

O seguinte texto será enviado aos nosos editores: