A Cova dos Mouros acollerá investigacións arredor das súas pinturas prehistóricas
En xullo de 2017 localizáronse unhas pinturas prehistóricas na Cova dos Mouros, situada no concello lucense de Baleira. Agora, as pinturas volverán ser obxecto de estudo, grazas a unha colaboración entre a Universidade de Santiago de Compostela, a Xunta de Galicia e a Escola de Conservación e Restauración de Bens Culturais.
Con esta nova intervención, preténdese cuantificar e documentar as pinturas, consideradas Ben de Interese Cultural. Para levar a cabo os traballos, xa se realizou previamente a limpeza do lugar, para facilitar o acceso, así como a documentación das pinturas e a estimación das posibilidades de deterioro que puideron sufrir. É por iso que tamén se propoñen accións de protección que permitan unha mellor conservación do complexo.
Ata o de agora, están documentados 11 paneis pictóricos, formados por diferentes figuras vermellas, como barras, semicírculos e algunhas representacións antropomorfas. En anteriores traballos, realizados no 2017 e 2018, axudaron a confirmar a presenza de ocupación humanas na Cova dos Mouros, así como a localización das primeiras pinturas.
Esta nova actuación está coordinada polo catedrático da USC, Ramón Fábregas, e dirixida polo profesor da Escola Superior de Conservación e Restauración de Bens Culturais de Galicia. Ademáis, un equipo multidisciplinar de especialistas en restauración arqueolóxica colabora na intervención. Alumnado e profesorado da USC tamén participa activamente, pois trátase dun proxecto que funciona como unha actividade práctica de docencia-aprendizaxe.