O CSIC confirma o dano que lle fan a moreas de pedra ó patrimonio e ós ecosistemas | Historia de Galicia
Rock Balancing en Baroña / foto viaxadoiro.com

O CSIC confirma o dano que lle fan a moreas de pedra ó patrimonio e ós ecosistemas

Tempo de lectura: < 1 min.

Unha moda popularizada polas redes sociais. Facer moreíñas verticais de pedra -rock balancing- en lugares como areais e pedrullos. Este pequeno xesto derivado da “necesidade” de deixar a pegada na paisaxe pode poñer en gran risco, segundo se publica nun estudo do CSIC, tanto o patrimonio cultural como os ecosistemas.

E que estes milladoiros, que de cando en vez se forman en lugares como o Castro de Baroña ou o Cemiterio Inglés de Camariñas, modifican o o hábitat das especies que usan estas rochas como refuxio ou dependen do microclima. Insectos, musgos, arañas ou lagartos sofren as consecuencias, modificándose tamén a relacións entre cazadores e presas.

Tamén en moitos lugares da nosa xeografía son un importante atentado contra o noso patrimonio cultural, podéndose modificar elementos tan delicados como xacementos arqueolóxicos. O caso máis soado é o do castro de Baroña, onde a colocación de cada pedra estaba pensada en detalle para á defensa do asentamento. Podes ampliar a información no xornal Galicia Confidencial.

Rock Balancing nunha praia de Cerdeña / foto StephanieAlbertCC0

Se atopou algún erro nesta noticia, por favor avísenos seleccionando o texto ou palabra en cuestión e presionando Ctrl+Entrar.

Pode que che interese...

Informe de erros

O seguinte texto será enviado aos nosos editores: